Festival RIR app for iPhone and iPad

Ao Festival RIR xa están a chegar curtametraxes de moitos países coma Irán, Pakistán, Estados Unidos, Arxentina, Francia, Austria, Rusia e por suposto de España, para esta primeira edición, que conta cun marco incomparable coma é a vila de Allariz, na provincia de Ourense. Un festival coa temática do humor, que conta con un salón de actos na Casa da Cultura con un aforo de 210 butacas que agardan por cús inquedos de ver cinema e xa de paso, botar unhas risas. As proxecións das curtametraxes divídense en tres bloques de unha duración aproximada de 75′, podendo ver un bloque por día (do mércores 5 ó venres 7 de Setembro). Os asistentes outorgarán, coa súa puntuación, o Premio do Público á Mellor Curtametraxe, mentres que un xurado composto por catro profesionais do audiovisual, outorgarán o Premio á Mellor Curtametraxe, Mellor Dirección, Mellor Interpretación e Mellor Guión.